Описи на насоките кои ги поминавме во 2005г.:

- Јужно Ребро IV+, Хексенштајн (2477м)

- Јужен Гребен IV+, Мала кула на Фалзарего (c. 2500m)

- Западна Страна (Ласато) IV, Голема кула на Фалзарего (c2500m)

- Јужно-Западна Страна (Виа дел Буко) IV, Пиколо Лагацуои 2778м

- Северо-Западен Диедар IV и Северна Страна (Дибона) IV, Торе Баранчио 2308м

- Источна Страна на Пиц Попена Басо (2224м): „Мацорана“ IV и „Мацорана/Адлер“ IV+

- Јужна Страна на Пунта Фиамес (2240м) - Виа Комуне IV+

Описи на насоките во Доломити

Планина/Врв: Торе Баранчио (2308m)

Насока 1: Северо-Западен Диедар, IV - црвената линија на сликата

Први качувачи: Игнацио Дибона, Пјетро Аполонио, Дино Стефани - 09/1934

Детали: Висинска разлика од 110 метри; 3 должини. Потребно време за качување: еден час. Пристап - 30 минути. Симнување - 30 минути. Паркинг на домот Чинкве Тори (има одвојување од патото Кортина-Фалзарего на маркерот на 112.2 километар)

Опис: Класика - одличен тренинг за качување во расчекор. Лесно се комбинира со насоката на Северната страна. Почетокот е на подножјето на очигледната пукнатина / камин меѓу Торе Баранчио и Торе Романа. Симнувањето е со абзел - 2 абзела од 25 метри од Торе Баранчио или еден абзел од 50 метро од Торе Романа (од нивната јужна страна).

Насока 2: Северна страна (насока „Дибона“) IV - белата линија на сликата

Први качувачи: Дибона, Аполонио, Стефани - 09/1934

Детали: Насоката е во сенка и е една од најдобрите во целата област на Чинкве Торе. Добро е обезбедена, експонирана и технички тешка за оцената. Како одите повисоко така станува полесно! Почетокот е од левата страна на северната страна под нишата. Симнување - како претходната насока.

За други детали: kontakt@alpinizam.org

Други текстови за Доломити:

- Претставување на локалитетите,

- Наши искачувања во Мај '05,

- Наши искачувања во Август '08,

- Наши искачувања во Август '10