Новости

02.02.2012г
Од 29-ти јануари до 1-ви февруари во Минхен се одржа еден од најголемите саеми за спортска опрема, кој најголем акцент всушност им дава на спортовите во природа: планинарење, алпинизам, скијање, бордање... Познат како ИСПО Минхен, тој се одржува уште од 1970-тата година, а оваа година на него се претставија 2344 компании од 51 земја во светот (овде >>>>)

19.01.2012г
Неколку експедиции се подготвуваат да направат искачувања на преостанатите неискачени планини повисоки од 8000м во зимски услови. Оваа година до сега ви ги претставивме двата тима на Гашербрум 1 (8068м): Полјаците со својот обид преку Јапонскиот кулоар (овде>>>>) и интернационалниот тим воден од Австриецот Герфрид Гешел кој сака да искачи нова насока (овде >>>>); Симоне Моро и Денис Урубко на Нанга Парбат (8125м) (овде >>>>), а минатата година ги спомнавме и Русите на К2 (8611м) (овде >>>>). Има уште тимови за кои ќе ве известиме наскоро...

17.01.2012г.
Светот го тресе силна вест. Американецот Хајден Кенеди и Канаѓанецот Џејсон Крук го направиле првото „фер“ искачување на насоката „Компресор“ на Серо Торе. Што тоа точно значи, ќе треба да ги почекаме момците да се симнат од патагониските игли и да ни кажат. :) Во очекување сме!

12.01.2012г.
Генералното собрание на Обединетите Нации со резолуцијата 53/24, ја прогласи 2002-рата година за Меѓународна година на планините. Во текот на таа година, УИАА на средба во Инсбрук, ја одржа „Конференцијата за иднината на планинските спортови“ во чии рамки беше усвоена „Тиролската Декларација за најдобро практикување на планинските спортови“ или позната едноставно како „Тиролска декларација“. Во чест на 10-годишнината од овој настан, ви го претставуваме овој важен документ и на Алпинизам.орг овде >>>>

01.01.2012г.
Секоја година кога за новогодишните празници сме во Скопје, на 1-ви јануари правиме традиционално искачување на насоката „Новогодишен“ на Матка. Овој пат со нас беше и Ана Велкова од АК Матка. Ви посакуваме многу радости во планините и оваа година! - Игор и Весна Талевски

Наскоро овој дел ќе биде дополнет и со архивата со вести од минатите години...