- Целосно посветени на вистинскиот алпинизам -

Основачи (уредници, текстописци, фотографи и сé друго:)) на првиот сајт во Македонија целосно посветен на алпинизмот сме ние - Игор и Весна Талевски.

Дел од нашата спортска биографија можете да ја видите во делот „Наши искачувања“. Во него недостасуваат некои интересни приказни за планинарски тури кои ги имаме направено во Македонија, но и „надвор од неа“ и се надеваме дека тоа што побрзо ќе го исправиме...

Овој сајт е обид на наш сопствен начин да помогнеме во промоцијата на овој врвен спорт во Македонија. Иако во нашата земја оваа активност се работи веќе со децении и постојат неверојатни услови за убави искачувања и подготовки и за врвни експедиции и во најголемите масиви во светот, сепак за жал алпинизмот е неверојатно маргинализиран.

Овој сајт исто така е обид на наш сопствен начин да ги заштитиме вистинските цели и вредности на алпинизмот. Во изминативе 20-тина години поради недоволна информираност на јавноста (скоро никаква), во општата свест постои погрешна слика за тоа што тој навистина претставува. Како и во секоја друга активност и во алпинизмот постои процес на еволуција и денес него го дефинираат „некои други работи“. Нив ќе се обидеме што подобро да ви ги претставиме преку разни содржини на сајтот - „Едукација“, “Новости“, „Галерија“. Тие содржини постојат со цел преку слика и текст да ви го претставиме Вистинскиот алпинизам.

За жал поради нашите работни обврски и сепак желбата што повеќе да качуваме наместо да седиме „по дома“, содржината на сајтот можеби нема толку често да биде надополнувана и ве молиме за разбирање.

Сите ваши идеи и коментари, несогласувања и согласувања, подршка и лоши мисли, можете да ни ги пратите на kontakt@alpinizam.org

Ви благодариме,