Алпинизам.орг
- Целосно посветени на вистинскиот алпинизам -

Овој сајт е обид да се помогне во промоцијата на овој врвен спорт во Македонија. Иако во нашата земја алпинизам се работи веќе со децении и постојат неверојатни услови за убави искачувања и подготовки и за врвни експедиции и во најголемите масиви во светот, сепак за жал алпинизмот е неверојатно маргинализиран.

Исто така ова е обид да се заштитат вистинските цели и вредности на алпинизмот. Низ сите овие години (па и децении), поради недоволна информираност на јавноста (скоро никаква), во општата свест постои погрешна слика за тоа што тој навистина претставува.

Како и во секоја друга активност, така и во алпинизмот постои процес на еволуција и денес него го дефинираат „некои други работи“. Нив ќе се обидеме што подобро да ви ги претставиме преку разни содржини на сајтот - „Наши искачувања“, „Едукација“, “Новости“, „Галерија“...

Поради обемноста на материјалот, нашите работни обврски и сепак желбата што повеќе да качуваме наместо да седиме „по дома“, содржината на сајтот можеби нема толку често да биде надополнувана и ве молиме за разбирање.

Сите ваши идеи, коментари, несогласувања или согласувања, добри или лоши мисли, можете да ни ги пратите на kontakt@alpinizam.org

Ви благодариме!

Copyright © Alpinizam.org