По нешто за ФПСМ

По нешто за Федерацијата на Планински Спортови на Македонија (ФПСМ)

На 17-ти Јуни 2009 година делегатите на ФПСМ го изгласаа Јовица Угриновски (Ј.У.) за свој старо-нов Претседател. Ј.У. имаше само еден противкандидат - Јован Попоски и делегатите веројатно ептен задоволни од досега сработеното на Ј.У., изгласаа негов нов мандат со големо мнозинство - 20:4. Нека им е со среќа!

Два моменти ми беа посебно интересни на ова собрание. Прв момент кој ми беше интересен беше претставувањето на сработеното од страна на Ј.У. во 2008 година - имаше многу точки, не успеав да ги запомнам сите па по писмен пат ќе побарам во име на сите вас почитувани посетители да ни биде овозможено да се изначитаме. Втор момент кој ми беше интересен беше финансовиот извештај на ФПСМ за 2008 година кој ви го претставувам веднаш:

Финансов извештај - Федерација на планинарски спортови на Македонија за 2008г.

Приходи:

1.Приходи од претходна година 131.910,50

2.Приходи од Агенција за млади и спорт

-за стручно лице во Федерацијата 249.000,00

-за функција на Федерацијата 99.000.00

-за реализација на програма 1.061.000,00

3.Приходи од маркици и членарина 245.820,00

4.Приходи од кирија 997.658,00

5.Приходи од спонзорства 79.120,00

6.Други приходи 160.608,00

7.Приходи од камати 1.307,00

Вкупен приход 3.025.423,50 денари (или на нашки - околу 48000 Евра)

Расходи:

1.Расход за бруто плата 454.695,50

2.Расходи за исплата на превоз и храна 46.340,00

3.ПТТ трошоци – пошта и телефон 161.882,00

4.Потрошен канцелариски материјал 32.447,00

5.Расходи за фотокопирање 1.489,00

6.Расходи за струја 47.383,00
7.Расходи за одржување на простории (чистење) 13.323,50

8.Расходи за реновир на домот Чеплес (безкаматна позајмица) 163.235,00

9.Расходи за геодетски услуги (Шипковица – план. Дом Јелак) 21.240,00

10.Расходи за реконструкција на просторија – Руен К. Паланка 49.077,00

11.Расходи за печатење на дипломи, списание 125.834,00

12.Расходи за заеднички трошоци – Даре Џамбаз (парно, вода) 249.686,00

13.Расходи за Скопје-69 – дом на глуви (по договор) 119.715,00

14.Расходи за вештачка карпа (проектанти) 150.000,00

15.Расходи за реализација на спортска програма 815.994,50

16.Банкарска провизија 19.817,50

17.Работа по договор 151.114,00

18.Расходи за котизација во меѓународни организации 59.734,50

19.Расходи за патни и дневни трошоци 115.114,00

20.Расходи за набавена спортска опрема 11.800,00

21.Набавени медаљи 2.492,00

22.Функција на федерацијата 104.609,00

23.Данок од добивка 45.497,00

Рекапитулација:

1.Вкупен приход 3.025.423,50

2.Вкупен расход 2.962.528,50

Вишок на приходи: 62.895,00

Платен данок: 6.290,00

За пренос во 2009год.: 56.605,00

* * * * *

Моја забелешка (во однос на финансиите):

Македонската Алпинистичка Асоцијација (МАА) во 2008 година со прераспределба, од целиот тој приход на ФПСМ (околу 48000 Евра) има добиено 121550 денари (или на нашки околу 2000 Евра). Скоро исто толку имаат добиено и сите други асоцијации (или федерации - кој како е регистриран) т.е. поточно: Ориентација - 128417.00, Планинарска - 135460,00; Спелеолошка - 135693,00 и Спортско качувачка - 150613,00 денари.

МАА има добиено најмалку од сите...

Сите асоцијации/федерации заедно имаат добиено околу 10000 Евра - од вкупен приход 48000 евра на ФПСМ. Се поставува прашање дали ФПСМ постои поради асоцијациите/федерациите или обратно?

Додека секоја асоцијација/федерација при излагањето на сработеното за 2008 година се жалеше дека немало пари за повеќе активности - нека погледнат подобро во износот на барем дел од расходите на ФПСМ... Секоја трафика знае дека во моменти на „светска криза“ сите трошоци - ама апсолутно СИТЕ трошоци треба да се сведат на минимум. Мене во некои од нив не ми изгледа дека се штедело...

Сите алпинисти би биле пресреќни кога би им бил платен патниот трошок до некој локалитет - Доломити, Алпи, Бугарија... Тоа е најголемиот трошок - возило, бензин, патарини... За опрема „ај ќе се скрпиме од таа што ја имаме“...

МАА во 2008 година имала една акција во Бугарија и една во Алпи и Доломити (верувам тоа во исто патување)! Верувам дека МАА и сите членови треба да ја запрашаат ФПСМ за тоа каде толку разговарале на телефон и праќале пошта за 3000 Евра (поголем расход од нивниот годишен буџет) на пример... Белким може оваа година помалце да се зборува на телефон (само таа ставка ја земам во предвид бидејќи боде очи) - па МАА да направи уште барем една акција или повеќе... Кога веќе сеуште размислуваат да остануваат во ФПСМ...

Имам уште што да коментирам, но сега за сега ќе останам на толку и ќе ви дадам шанса на вас почитувани посетители...

Прв пат на нашиот сајт оставаме можност за ваши коментари. Оваа тема иако не заслужува можеби толку внимание - сепак заслужува... Сите коментари ќе бидат објавени - единствено нема да бидат објавени тие со вулгарна содржина...

-Игор Т. (19.06.2009г.)

Вашето име
Коментар

Од Еж: Иако сум “тазе“ во овие води, изјавувам дека НИКОГАШ нема да си имам работа со ФПСМ.
Обожавам спорт, МРАЗАМ бирократи/ја. :D
Поздрав
P.S. КОГА ќе се качам на К2, ич нема да ги спомнам :P

Од Александар: Едноставно е, ајде да ја срушиме таа федерација/тој систем и да ја/го изградиме одново!
Ако нешто и прави добар углед и го прави атрактивно планинарењето тоа се резултатите од сработеното на дело, значи акции, табори и искачувачки експедиции на Алпинистите.
Јас сум исто нов во овие води, мразам бирократија но верувам дека е многу важно да таа ФПСМ работи вистински во интерес на асоцијациите кои неа ја сочинуваат. И верувам дека тоа ке се промени.

Од браќата Гоце и Сашо: Ако сакавте промени, зошто не предложивте некој помлад кандидат, човек со разбирање и визија. Поздрав

Од Костантин Циривири, МАА: Со оглед на тоа што во делов за коментари постои ограничување на 1000 карактери, и со оглед на тоа што мојот коментар на текстот на Игор е малку подолг, ве молам истиот да го прочитате на веб страните на Македонската алпинистичка асоцијација - www.alpinizammkd.org, или на веб страната на алпинистичкото друштво ‘‘Матка‘‘ од Скопје - www.matkaclimbing.org. Благодарам.

Од Игор Т.: Нема да се задржувам воопшто на личните навреди и напади во коментарот т.е. во одговорот на мојот текст од страна на Костантин Циривири... Од друга страна, тоа секогаш сум го кажувал во разговор со колеги/пријатели, а еве сега и јавно - секогаш сум го почитувал како голем авторитет во алпинизмот и му должам многу за моето знаење!!! „Непријателите“ треба да се бараат на друго место. Претставувањето на финансовиот извештај на ФПСМ не е моја критика - туку само претставување на извештајот. Моја критика е сметката за пошта и телефон која е поголема од годишниот буџет на МАА - со што всушност сметав дека застанувам на страна на МАА, но и на другите асоцијации/федерации - но очигледно сум згрешил во проценката и се извинувам... Веројатно - сите што се дел од ФПСМ најдобро ги знаат работите и го прават својот избор во однос на тоа, а јас бидејќи сум надвор од ФПСМ, не ги знам. Сепак простено му е на секој човек да изреагира бурно за сметка од 3000 Евра...

Од Александар: Критика (Од Википедија): Критика е образложена оцена на некое дело, работа, постапка, или збир од оцени во одредена област. Критиката може да биде објективна или субјективна, аналитичка или импресионистичка, апсолутна или иманентна и сл. По својата суштина критиката е интелектуален израз на односот кон одредени појави, идеи или дела. Критичкиот осврт кон некое уметничко, научно или друго дело вклучува негов приказ и вреднување.

Од Ѓоке (алпинист од Неготино): Незнам стварно што да кажам, али мислам дека ние како алпинисти што сакаме да работиме во полето на алпинизмот нетреба повеќе да се замараме со ФПСМ туку треба да тргнеме со наши сили.

Од Игор Јовчески: Некој очигледно погрешно го сватил текстот на Игор, како на пример Циривири или па го сватил како што треба но не му одговара...

Од Ристе Калинов: Ќе го циритарам Стивен Хокинг: \"Тој што може, остварува - тој што не може, критикува\". Оваа мисла доволно ја објаснува целокупната ситуација. Пред да се почне со критики, секогаш треба убаво да се прочитаат и двете страни, кој од која позиција настапува и убаво да се разберат и двата става. А не да се тргнува од позиција, овој ми е поблизок него ќе го бранам...
Тој што работи секогаш греши, но тој што постојано греши, подобро му е да се откаже.
Здружување, а не идивидуализам и критикување.

Од Игор Т.: Почитуван Ристе, јас ќе ги цитирам момците од Монти Пајтон: „Никој не ја очекува Шпанската Инквизиција!“... Оваа мисла можеби објаснува нешто, а можеби и не :) Сметам дека е многу недолично расправањето помеѓу алпинистите – посебно кога сме толку малку на број колку што сме. Меѓутоа – тоа го кажуваат и признаваат и големи алпинисти – ова е спорт со многу големи егоа и треба да имаме разбирање и да си простуваме... Ми се допаѓа твојот став дека треба да има здружување и целосно сум „ЗА!“ Меѓутоа здружување не значи едноумие. Треба да се почитуваме, слушаме едни со други и да ги прифаќаме критиките од колегите како добронамерни мислења за наше заедничко добро, а не да го имаме ставот дека ако некој кажал нешто што не ни се допаѓа - е против нас. Со секоја почит кон Хокинг :)

Од Петар: Пробав да помогнам и јас многу одамна Игоре, но да се бориш со ФПСМ е како да тркалаш камен со Сизиф. Проблемот не е во раководството. Полтрони и лигави луѓе имало и ќе има секогаш. Само љубомора и забивање нож во грбот на секој околу себе. Дури и кога нема потреба. Продолжете со сајтот, продолжете со позитивната енергија што ја ширите во алпинизмот и универзумот ќе ви возврати!

Oд Дарко: Браво За Ристе Калинов мислам дека дечкото кажа све и оваа тема може да се затвори

Од Вања: А кај се парите од знамето???????

email forms