Зимски обид кон Титов Врв (26 Јан. 2008г.)
Сакавме да направиме искачување на друга планина, но за тоа ќе беше потребно да бидеме 2 дена надвор од Скопје и поради обврски решивме да направиме еднодневна тура, па се одлучивме за Титов врв (2748м) - преку Церипашина. Секогаш успеваме да ја потцениме оваа тура и покрај многуте интересни искуства со магли, силните ветрови на гребенот... Овој пат успеавме да стигнеме до седлото пред Титов врв (искачувајќи се на Бакардан (2700м)) и да имавме барем уште четиересетина минути ќе имавме време да успееме, но сепак одлучивме да се вратиме. Со нас овој пат беше Горан Рафајловски кој сакаше да се спушти со скии од Титов врв...
