Камена Баба и Остра Карпа

- 12.10.2011, Игор Т.

Нови насоки

На Фејсбук профилите на СКК „Вертикал“ од Битола и СКК „Златоврв“ од Прилеп има известување за нови насоки.

Од „Вертикал“ пишуваат:
„Нови насоки во чист стил на Камената баба. Со бр. 1 (на фотографијата подолу) „Кокошка“ (L1/4-5; L2/6c+ „offwidth“) и со бр. 2 „Првата пушка“ (L1/6a;6c : L2/3+; L3/6c - последнава должина иста со „Кокошка“)“ Горан Кузмановски од овој клуб, за насоката „Првата пушка“ уште додава: „Мислам најтешката на Бабата досега и баги психо, посебно последната должина (широката пукнатина), кај што малку фалеше да летам до земја, семо некако ме послуша ногата дур ја молев да не ми се тресе и така помина убо :)...“

Исто така момците од овој клуб имаат искачено и нова насока на Плетвар (L3/ 6a-6b), но моментално немаат фотографија за да ја исцртаат и споделат (и инспирираат дополнително што побрзо да ги подружиме таму).

Фотографија од новите насоки на Бабата:

Линк до ФБ профилот на Вертикал Битола: http://www.facebook.com/#!/profile.php?id=100000068135631

Остра Карпа

Христо Белакапоски од СКК Златоврв од Прилеп на ФБ профилот на овој клуб пишува:
„Конечно мирот на централниот дел од Остра карпа е нарушен. Тоа на 26-ти овој месец (септември) го направија словенечките алпинисти Матјаж Душич и Миха Шостерич, искачувајќи 180м долга насока „Hello Kity“ со тежина 6с. Според мене најубавата насока во Македонија.“

Фотографија од насоката:

ФБ профилот на СКК Златоврв: http://www.facebook.com/skkzlatovrv

Се надеваме дека од клубовите ќе излезат со повеќе информации околу овие акции...
Секоја чест на качвачите и плезалците!!!